Home

ဒီသင်ခန်းစာတစ်ခုလုံးမှာ ကျောင်းသားများအနေဖြင့် ကွန်ပျူတာတွေ လုပ်ငန်းဆောင်ရွက်ပုံ အဆင့်ဆင့်ပြောင်းလဲလာမှုအကြောင်းကို လေ့လာရမှာဖြစ်ပြီး အခြေခံကျတဲ့ ကွန်ပျူတာတွေရဲ့ Hardware နှင့် software တွေအကြောင်း၊အင်တာနက်အသုံးပြုရာမှာ ဖြစ်ပေါ်လာနိုင်တဲ့ လုံခြုံရေးဆိုင်ရာ အန္တရာယ်တွေကို ကာကွယ်နိုင်ဖို့အတွက် ဆိုက်ဘာလုံခြုံရေးဆိုင်ရာ အခြေခံသဘော တရားတွေကိုလည်း လေ့လာသင်ကြားရမှာဖြစ်ပါတယ်။ သင်ခန်းစာတွေကို လေ့လာရာမှာ အချို့သော သင်ခန်းစာတွေဟာ ညွှန်ကြားချက်တွေကိုဖတ်ရှု့ခြင်းနှင့်  အချို့သော သင်ခန်းစာတွေမှာ ဗီဒီယိုကို ကြည့်ပြီး လေ့လာကြရမှာ ဖြစ်ပါတယ်။ ဒီသင်ခန်းစာကို လေ့လာဖို့အတွက် အချိန် ၁ နာရီကြာ လေ့လာရမှာဖြစ်ပါတယ်။ လေ့လာသူတွေအနေဖြင့် သင်ခန်းစာတွေကို အပိုင်းလိုက် လေ့လာရမှာဖြစ်တဲ့အတွက် တခါတည်း အချိန် ၁ နာရီ ပေးစရာမလိုပါ။

ယနေ့ခေတ်တွင် နည်းပညာဆိုင်ရာ ပညာရပ်များစွာထွန်းကားလာသည်နှင့်အမျှ အိုင်တီနည်းပညာသည် နေ့စဉ်ဘဝ အများနှင့် ချိတ်ဆက်စကားပြောဆိုခြင်းမှ ပညာရေးနှင့် အလုပ်အကိုင်များအထိ မရှိမဖြစ်လိုအပ်လာပါသည်။ ထို့ကြောင့် ယခုသင်တန်းကို လူငယ်များ၏ ဘ၀တိုးတက်မြင့်မားရေးအတွက် အသုံး၀င်စေမည့် နည်းပညာအသုံးပြုပုံများကို ပေါင်းစုပြီး ရေးဆွဲထားခြင်းဖြစ်ပါသည်။ သင်ခန်းစာခွဲ (၃) ခန်းပါဝင်မည်ဖြစ်ပြီး (၁) Microsoft အက်ပလီကေးရှင်းများ၊  (၂) Google မှပေးသော ဝန်ဆောင်မှုများ၊  (၃)အလုပ်အကိုင်ရှာဖွေရေး အက်ပလီကေးရှင်းများစသည့် နည်းပညာဆိုင်ရာမူများနှင့်အသုံးချမှုများကို ဖော်ပြထားပါသည်။ သင်ခန်းစာတိုင်းကို အခြေခံမှစ၍ ရေးဆွဲထားခြင်းဖြစ်သဖြင့် ယခုမှစတင်လေ့လာသူများအတွက် အထူးသင့်တော်သလို နားလည်တတ်ကျွမ်းပြီးသူများအနေဖြင့်လဲ ထပ်မံကြည့်ရှုပြီး မိမိတို့သိရှိထားသည့် အသိပညာများဖြင့် ချိတ်ဆက်အသုံးပြုနိုင်ပါသည်။

နားမကြားသောသူများသည် အကြားအာရုံ ခက်ခဲမှုကြောင့် နှုတ်ထွက်စကားနှင့်ဘာသာစကားပြောဆို ဆက်သွယ်မှုများတွင် အခက်အခဲရှိကြသည်။ ထို့ကြောင့် ထို အကြားအာရုံ ချို့ယွင်းသော သူများသည် သူတို့၏ မိသားစု၊ ဆရာ/ဆရာမများ၊ သူငယ်ချင်း များနှင့် ပြောဆို ဆက်သွယ်နိုင်ရန် လက်ဟန်ပြဘာသာစကား ကိုတတ်မြောက်ထားရန် အရေးကြီးပါသည်။အကြားအာရုံ ချို့ယွင်းသောသူများသာမက မိဘများ၊ ဆရာများ နှင့်သူငယ်ချင်းများ အပါအဝင် လူတိုင်းတတ်မြောက်ထားမှသာ သူတို့နှင့် ပြောဆိုဆက်သွယ်မှုတွင် လွယ်ကူချောမွေ့ပြီး အားလုံးအကျူံးဝင်နိုင်ရေး ကို ပိုမို မြှင့်တင်နိုင်မည် ဖြစ်သည်။ ထို့ကြောင့် ဤသင်ခန်းစာတွင် ရန်ကုန်မြို့၊ ဒဂုံ မြို့နယ် ၊သံတမန် လမ်းရှိ မေရီချက်(ပ်)မင်း နားမကြားသော ကလေးများကျောင်းမှ ရိုက်ကူးတင်ဆက်ထားသည့် အခြေခံ လက်သင်္ကေတပြ ဘာသာစကားအကြောင်းအရာ (၁၅) မျိုး ဗီဒီယိုကို လူတိုင်းလေ့လာဆည်းပူးနိုင်ရန် ဖော်ပြပေးထားပါသည်။

ဒီသင်တန်းက ဆယ်ကျော်သက်တွေကို အခြားသူများနဲ့ ပြောဆိုဆောင်ရွက်တဲ့အခါမှာ လိုက်နာကျင့်သုံးသင့်တဲ့ နည်းလမ်းတွေနဲ့ စိတ်ခံစားမှုဆိုင်ရာ ဆင်ခြင်သုံးသပ်ရမယ့်အချက်တွေကို လေ့လာသွားရမှာဖြစ်ပါတယ်။ သင်ခန်းစာတစ်ခုစီမှာ အခြားသူတွေနဲ့ ပြုမူဆက်ဆံပြောဆိုတတ်အောင်၊ အခြားသူတွေရဲ့စိတ်ခံစားချက်တွေ အပြင် မိမိရဲ့စိတ်ပိုင်းဆိုင်ရာခံစားချက်တွေကို နားလည်သိရှိအောင်၊ မိမိကိုယ်ကိုစာနာနားလည်းဂရုစိုက်တတ်အောင် သင်ခန်းစာတွေ၊ ဗီဒီယိုတွေကနေ တဆင့် ပြောပြသွားမှာ ဖြစ်ပါတယ်။ ဒီသင်တန်းပြီးဆုံးတဲ့အခါ သင်တန်းသားတွေက အခြားသူတွေနဲ့ပြောဆိုဆက်ဆံတဲ့အခါ မျှဝေခံစားနားလည်တတ်ပြီး ပြောဆိုဆက်သွယ်မှုစွမ်းရည်တွေကို အသုံးချနိုင်မှာပဲဖြစ်ပါတယ်။ ဒါ့ပြင် အလေးပေးနားထောင်ခြင်း၊ အပြန်အလှန်နားလည်မှုထားရှိခြင်းစတဲ့ ကျင့်ဝတ်တွေကိုလည်း ကိုယ်တိုင်နားလည်ကျင့်သုံး တတ်လာမှာပဲ ဖြစ်ပါတယ်။ 

ဒီသင်တန်းက ဆယ်ကျော်သက်တွေကို အသင်းအဖွဲ့နှင့်ဆောင်ရွက်တတ်အောင်၊ ပြဿနာတွေကို ပူးပေါင်းဖြေရှင်းနိုင်ပြီး စေ့စပ်ညှိနှိုင်းတတ်တဲ့စွမ်းရည်တွေရရှိအောင် သင်ခန်းစာတွေ၊ ဗီဒီယိုတွေကနေ တဆင့် ပြောပြသွားမှာ ဖြစ်ပါတယ်။ ဒီသင်တန်းမှာ ပူးပေါင်းဆောင်ရွက်တဲ့အလုပ်တွေမှာ ရှိသင့်တဲ့ အခြေခံအသိပညာတွေ၊ ပြဿနာတွေကို တွေးခေါ်စဉ်းစားဖြေရှင်းပုံတွေကို ဥပမာများနဲ့ရှင်းပြသွားမှာဖြစ်ပါတယ်။ ဒီသင်တန်းပြီးဆုံးတဲ့အခါ သင်တန်းသားတွေက အပေါင်းသင်းများနဲ့ ပြောဆိုဆောင်ရွက်ရာမှာ မိမိတို့ရဲ့ စိတ်ကူးစိတ်သန်းများကိုမျှဝေတတ်ခြင်း၊ မတူညီသောအမြင်များကို အလေးထားတန်ဖိုးထားခြင်းနဲ့ကောင်းမွန်သော ပေါင်းသင်းဆက်ဆံရေး စွမ်းရည်များကိုပြသနိုင်မှာပဲဖြစ်ပါတယ်။ 

လူငယ်လူရွယ်များနှင့် ဆရာ၊ဆရာမများ အတွက် အခြေခံ လိင်မှု နှင့် မျိုးဆက်ပွားဆိုင်ရာ ဗဟုသုတများ ရရှိစေရန် ၊ လိင်မှု နှင့် မျိုးဆက်ပွား ကျန်းမာရေးဆိုင်ရာ ပြသနာများမှ ရှောင်ရှားနိုင်စေရန် နှင့် လူကြီးဘဝကို ကျန်းမာ ပျော်ရွှင်စွာ ပုံဖော်နိုင်စေရန် ရည်ရွယ်ပါသည်။

လူမှုစိတ်ပိုင်းဆိုင်ရာ ချမ်းသာသုခ ( Psychosocial Well-being) သည် လူသားတိုင်းအတွက် ပျော်စရာ ကောင်းသော အနာဂတ်များ ပိုင်ဆိုင်နိုင်စေရန် နှင့် ကျန်းမာပျော်ရွှင်သော ဘဝနေထိုင်မှု အတွက် မရှိမဖြစ် လိုအပ်ပါသည်။ လူမှုစိတ်ပိုင်းဆိုင်ရာ ချမ်းသာသုခ ပြည့်စုံနေမှသာ လူတစ်ယောက်က မိမိကိုယ်ကို ယုံကြည်မှုရှိခြင်း၊ အလေးအမြတ်ထားခြင်း နှင့် ဘေးကင်းလုံခြုံမှုကို ခံစားရပြီး ၊ ပြဿနာ ဖြေရှင်းနိုင်စွမ်း၊ ဆုံးဖြတ်ချက်များကို ခိုင်ခိုင်မာမာချနိုင်ခြင်း နှင့် ပဋိပက္ခများကို အပြုသဘောဖြင့် ပူးပေါင်းအဖြေရှာ ဆောင်ရွက်နိုင်မည် ဖြစ်ပါသည်။

ဤမော်ဂျုးတွင် လူမှုစိတ်ပိုင်းဆိုင်ရာ ကူညီထောက်ပံ့မှု မိတ်ဆက် သင်ခန်းစာကို လေ့လာရမှာ ဖြစ်ပြီး၊  လူမှုစိတ်ပိုင်းဆိုင်ရာ ကူညီပံ့ပိုးပေးမှု၏ အဓိပ္ပါယ်၊ အခြေခံမူများ နှင့် လူမှုစိတ်ပိုင်းဆိုင်ရာကူညီ ထောက်ပံ့ပေးနိုင်သည့် နည်းလမ်းများ ပါဝင်ပါသည်။ ဤအွန်လိုင်းသင်ခန်းစာတွင် သီအိုရီပိုင်းဆိုင်ရာ သဘောတရားများ၊ လက်တွေ့လုပ်ဆောင်နိုင်သည့် နည်းလမ်းများနှင့် ဖြစ်ရပ်လေ့လာမှုများဖြင့် ထိခိုက်ခံစားနေရသူများအတွက် အလုံးစုံသော ချမ်းသာသုခကိုမြှင့်တင်ပေးရန် ရည်ရွယ်ပါသည်။ 

ဤသင်ခန်းစာ လေ့လာမှုအပြီးတွင် 

• လူမှုစိတ်ပိုင်းဆိုင်ရာ ကူညီထောက်ပံ့မှု၏ အခြေခံသဘောတရားနှင့် အဓိပ္ပါယ်ကို နားလည်လာမည်။

• လူသားများတွင်ရှိတတ်သော လိုအင်များကို သိရှိနားလည်ပြီး ထိခိုက်ခံစားနေရသူများအတွက် အလုံးစုံသော ချမ်းသာသုခကိုမြှင့်တင်ပေးနိုင်မည်။

• လူမှုစိတ်ပိုင်းဆိုင်ရာကူညီထောက်ပံ့ ပေးရာတွင် လိုက်နာရမည့် အခြေခံမူများကို နားလည်သဘောပေါက် လိုက်နာတတ်မည်။

• လူမှုစိတ်ပိုင်းဆိုင်ရာ ပိရမစ်၏ အလွှာနှင့် ပံ့ပိုးကူညီနိုင်သည့် နည်းလမ်းများကို သိရှိပြီး ပံ့ပိုးကူညီပေးနိုင်မည်။